推介:| UGG | GENEHEAL 女神嬰兒排毒面膜 | MD skinical | MCCOSMETICS 西班牙去斑皇強效祛斑霜 | PROTOP | 鈙利亞阿勒頗手工古皂 | UGG Boots | Sheepskin Boots |

發新話題
打印

我要表揚一間娛樂場

我要表揚一間娛樂場

事源某日跟一位朋友過澳門,朋友個GF係澳門人,佢果日過去係搵女朋友拍拖,我唔鍾意做,出閘之後分道揚鞭,
入夜先join番埋食飯,我無坐關口果堆發財車,選擇行經海立方果條天橋,一入海立方第一張檯係玩
當時張檯吉的,甘岩個荷官又口擘擘打緊,開始玩馬交第一舖,
﹕「可唔可以禁制搖一次骰呀?」
荷官,算﹗照換兩舊水籌碼,佢比三個50+兩個25蚊籌碼我,我廢時諗瞇埋眼5個碼掟曬落雞區,揭盅,
頂﹗3粒骰一隻都無,即走。
離開,途經回力,唔入。經過皇家金堡,唔入。見到金龍,都唔入。直至見到華都,岩feel,入去。

晌華都繞場一周,得一千零一張大細檯。由於一開波先輸兩舊都已經覺得肉赤,今次換50蚊算。
荷官派5個十蚊籌碼比我,呢張檯買大細min. bet 蚊,岩曬我,諗住可以磨好耐,我只玩大細,其他範數唔睇。
1st bet 20

2nd bet double 40
又中
3rd bet 冧80
再中
乘勝追擊4th bet 再冧160
都中
連羸4口極度亢奮﹗以為殺得性起將贏番來既320加埋本身未出擊過果3個十蚊籌碼劈曬落第5口買
我DLLM!!開,斷左,表情頓時由變左。輸左又走人,離開華都。

補充些少情節先,晌華都玩5口大細其實都磨左半個鐘,點解因為我係等有feel先買,唔係舖舖落注,係咪好有耐性呢?
行過一個街口就到蘭桂坊,蘭桂坊有賭檯同摩卡場,心情down down地唔想再賭檯,於是入去摩卡場,
我覺得架電動骰寶機好趣緻,三粒大大舊彈彈下好可愛,決定煲架,入一百蚊,入下一張入下一張……
玩左一輪打開再攞錢時,吓﹗得番三張廿蚊紙,唔銀係嘛,突然淆曬底,好空虛好心寒。
啦﹗一次現金券都未draw out過就輸Q曬,我開頭架﹗如果果時兌現走人咪好囉﹗嗚嗚﹗
已經無得再玩了,唔敢連三張都輸埋,走人。

離開摩卡場之後,開始掛住朋友,想佢快d打電話比我喔,此時此刻有種等救兵既感覺。以我性格如果仲有賭本晌身既話,
一定朝著葡京方向走,可惜今次全面,去邊好呢?朋友掛住拍拖唔會甘早個播,唉……

心血來潮掉頭番去華都,唔係再賭,係想見一條女,果條女係頭先玩大細時其中一個賭客來的,成個甘款,
無野好做番去養下先。噢﹗唔係度了,反而有個阿閃無端端呼喝我,
﹕「你剛才買三百多碼掉了﹗」
﹕「什麼?」
﹕「你是不是以為輸掉就跑掉?」

我唔明佢想點,佢d鄉音超重,我望住佢眼光光唔唔呀呀,荷官終於搭咀,話我頭先果舖翹骰,你以為輸左,果舖唔算既,
叫我等一陣唔好再行開。未幾駐場經理介入,詢問我一d情況,話依家會番查,確認係我本人就會退款比我,
甘我即管耐心等待啦,期間個鄉音阿閃解釋我知咩野叫做翹骰,我就睇住佢同其他賭客玩,諗到乜就同佢

嘩好耐囉喎,差唔多成個鐘都未有消息,期間個駐場經理態度都算,每次路過都嗌下我叫我多陣,
又遞支水過我,見我無興趣飲就吩咐人沖杯比我。
好悶呀甘鬼耐﹗痕掟埋3張廿蚊紙出去,結果當然輸埋,呢云想唔繼續等落去都唔得
終於來了﹗經理渣住塊黑色硬膠板,面頭夾住張紙,叫我晌上面簽名,個人突然清醒高度戒備
驚係d咩借據賣身契之類,睇清楚條文唔係呢回事泥,放心撩隻落去,收番350蚊籌碼,
我二話不說即刻仆去cashier換番走人。

有番三百幾蚊暖住褲袋,會合朋友同埋佢條女去,我可以出番自己份錢,夜航回程又夠錢買飛,安樂曬。

我唔知晌華都果幕其實係咪好平常,我甚少過大海賭錢,對我泥講係頗特別既奇遇,多謝各位收看。
本帖最近評分記錄
  • HJ2127_ATR1 體力 +60 生鬼的澳門之旅 2010-2-27 18:02
  • HJ2127_ATR1 威望 +60 生鬼的澳門之旅 2010-2-27 18:02
  • HJ2127_ATR1 金錢 +60 生鬼的澳門之旅 2010-2-27 18:02

TOP

回復 1# 聖利aaron 的帖子

多謝你咁生鬼的澳門之旅報告。

加你分。

TOP

回復 1# 的帖子

返香港一定要買六合彩 你咁好彩

TOP

翹骰好平常 , 個舖一定唔計

TOP

哈~~巧詳細o也講得~~
真係幾有趣o既經歷~~

TOP

點解三怕五蚊唔再博過,咁好彩有機會嬴
rdragon

TOP

發新話題


重要聲明:本討論區是以即時上載留言的方式運作,本網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。本討論區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright 1997- Xocat. All Right Reserved.