推介:| Causeway Bay order food | Email Hosting | Online Shop System | Mini storage | makeup course | English learning | 銅鑼灣乾炒牛河 |

發新話題
打印

[原創] 要命的民主

要命的民主

话说神愛世人,但又鐘意時不時降下天罰,揾下存在感! 舊约時用什麼洪水啊饑荒啊,效果不錯,成本太高; 所以神就偶然比D偉人靈感,等佢地建立D乜乜主義乜乜理論啊。哩類天罰好咿R,好似病毒咁好易感染,外觀吸引,用法簡單,仲可以自動進化、繁殖,真係居家旅行、殺人滅族不二之選! 可能大家會好直覺咁認為軍國主義、法西斯主義甚至共產主義係天罰之最,但係睇下現今香港情況,民主主義好可能更咿R!
睇過倚天H朋友應該記得,张無忌他媽的金句(不是罵人,真是他母親講咖!)- 愈美麗H女人愈會騙人! 同樣道理,愈係偉大H主義就愈會害人! 口號愈動聽H就愈係揾笨 (唔講揾笨實因為縝P人押韻,順口D!)
軍國主義、法西斯主義有乜問題,睇下二戰就清楚! 費事有人話我盲目親共 (我就係親共,吹咩! 不過我係經過分析之後親共,絕非盲目!),又講下共產主義點咿R! 國共內戰,韓戰越戰都可以算一半係共產主義頭上,十年文革就更厲害,唔止勾魂,仲會奪魄! 如果極端仇共H,甚至可以將什麼白色恐怖、Mccarthyism、冷戰算埋係共產主義頭上!
再講下民族主義- 本來任何民族都會認為自己民族最好,無乜唔妥,但係將自己民族推到半神位置,將國內聰明勤勞H小數民族變成次人類,加上民選 (OMG!)嗰位元首有政治需要,嘩,一場種族滅絕行動就出台喇! 話題太大,或者講下佢地變種病毒-D什麼本土主義喇,好似台灣,千辛萬苦選個本土阿扁,嘿嘿,一個戒急用忍,轉眼十年無左! 又好似旺角,勾烏黨飛腳踢急,本土幫起磚襲警,旺角變淡水!
講番主題,點解話民主主義更咿R? 第一,民主主義簡單易懂,一句一人一票,好似“阿彌陀佛”或者“聖母瑪利亞”咁,據講就算唸口黄都可以成佛成聖,班民主派就日日咁哦,哦下哦下好多人都聽慣左,覺得理所當然! (BTW,該情況仲有個學名:-洗腦!)  第二,民主主義好似perfect host,對大部份病毒,噢,sorry囉,應該話對大部份主義都好有親和力,可以變種成更有效Hhybrid,例如民主軍國主義喇、民主帝國主義喇,本土民主主義喇,甚至民主恐怖主義! 别以為開玩笑,最近幾單以民主之名,行暴力之事,都可謂民主恐怖主義H初形喇!
第三,亦係民主主義最恐怖H特性,就係傳染力超L- 一方面好似流感,係airborne; 另一方面好似AIDS,可以欺騙免疫系統!  民主主義理論簡單,而且合平人情-每個人都想自己話事,但又喜歡幫人話事,民主幾好啊,可以將哩两個矛盾溶合,只要將我H意志控制/影響你H意志,不知不覺中你就以為係你自己H想法,兵不血刃,就被我H“民”作左你H“主”!  其實好多主義又好似宗教,好鐘意將D好嘢介紹比全世界,例如唐三藏就取西經,基督教就去東征; 天主教用銀彈,回教就:送人彈之類! 曾幾何時,共產黨也有向全球推介共產主義,不過共產國際無乜成績; 而民主主義就高招得多,所謂低調奢華有內涵,佢地會用好多channels, 例如ABC、BBC 、CNN 、CIA、 CFR 、荷里活啊,手法多樣,只要邊個國家或者地區有戰略價值 (如地利位置、石油礦產等),就會有好熱心H民主軸心國家出動,宣傳民主,更殷勤H(所謂無事獻殷勤,……)係佢地多渠道咁出力出錢,貌若無私奉獻,不救回報! 我無法証實佢地H目的(或者係别有目的),只可以睇結果- 好似印巴、伊拉克、利比利等等等等,雖然哩D“被民主”H國家因此一地雞毛,以為H陣痛反而浩氣長存(咁就唔止陣痛啦!),但係D人民有民主喎,相信佢地唔介意仲會好高興添 (你信嗎?)
而家香港因為種種原因,成為民主軸心國家H“被民主”對象,好多政棍又特崇洋,人地都未獻金就自己上門獻身;或者為出位嘩眾取寵,拉布掟蕉; 政府又弱勢,動輒得疚; 有班矇仔又容易被扇動,一般市民一係就當睇熱鬧咁事情愈大愈high,或者係做關人忍士! 咁理想H病毒溫床,民主主義當然會發洋光大(一班政棍發洋財,一般市民輸光,香港大鑊!)
希望大家真係考慮下,咪事不關己高高掛起,最後用 Dante AlighieriH金句同大家共勉-
The darkest places in hell are reserved for those who maintain their neutrality in times of moral crisis.

TOP

照你咁睇,應該同慈濟禧太后,日王裕仁,山本五十六,希特拉等等講佛經,勸誡佢地放下屠刀,立地成佛,唔好再塗炭生靈,盟軍就不用開火,老百姓不用受傷死亡而把他們的王權拿下,這才是萬民之福。

[ 本帖最後由 志專 於 2016-2-22 10:26 編輯 ]
心繫家國
天佑我皇................God save the Queen

TOP

回復 2# 的帖子

作為一個咁愛國H英國人,你H中文水平真係令我無話可說! 你H回復,不單有“四面雲山誰作主”H餘,仲令人不期然想到諸葛亮H後出師表,特別係最後一句,絕對係對你H注腳!

TOP

發新話題


重要聲明:本討論區是以即時上載留言的方式運作,本網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。本討論區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright 1997- Xocat. All Right Reserved.