好多人減肥, 都係靠節食, 少肉多菜, 少鹽少油少糖, 減下餐數, 少吃零食之類。一聽就知道無啖好食啦!!
最初看KETO飲食, 只是減澱粉, 減糖, 毋須刻意節食, 亦毋須捱餓, 驟聽好像很舒服, 無痛轉為油動力運行。比起任何坊間的減肥方法, 更令人有無限暇想。
但現實是, 和戒毒戒煙的痛苦, 真的是有得比。
首先, 澱粉, 更主要講的是糖, 其實是和毒癮差不多。身體不停向你發出呼喚~~~~ 糖呀! 糖呀! 麵 (麵包、麵條、白飯) 很好吃呀 ~~~~ 而且, 要遠離過往的日常飲食習慣, 放棄麵包、云吞麵、地獄拉麵、波蘿油、牛角飽、雞粒炒飯, 星州炒米、干燒伊麵、TIRAMITSU、西餅、油炸鬼、咸煎堆、腸粉、粉絲、芋頭、薯條、豆腐火腩飯、無糖可樂 (即使係無糖, 都有大量澱粉)、叉燒 (蜜汁叉燒)、春卷、狀元及第粥 ....... 幾乎街上可以吃的東西, 有九成都遠離了。
然後反過來看看之前美好的願望, 脆皮燒腩仔、燒鵝、烤雞脾、炸排骨、燒雞軟骨、五花腩、雪花肥牛 ......
只是一個月之後, 你發覺除了雞鴨鵝豬牛, 沙律菜 .... 基本上已無甚選擇, 尤其你是要出街食飯, 不是自己煮的話, 選擇就更加小了。大部份在街外吃的菜, 或多或小都加一堆糖, 務求令到入口更"惹"味!!! 所以要遠離所有汁憲等漿狀液體。
現在打開餐單、外賣紙等, 基本上很難找到合適的東西。可能只有燒味等聊勝於無的選擇。同樣的幾樣東西, 吃了一個月, 也總會覺得沉悶。
可能相比起節食, 己經是很幸福 --- 唯有自我安慰一下。

下一集, 水果之痛。